Qëllimi i këtij komponenti është përmirësimi i arsimit të mesëm formal profesional përmes bashkëpunimit të forcuar dhe partneritetit mes sektorit publik dhe atij privat, me qëllim që të bëhet me orientim të tregut.
Përmes këtij komponenti, projekti synon të arrijë arsim të mesëm formal profesional me orientim të tregut përmes përfshirjes së sektorit privat. Me fjalë të tjera, projekti E4E@mk do të mbështesë bashkëpunimin mes partnerëve nga sektori privat dhe ai publik dhe shoqërisë civile (kompani, shkolla për arsim të mesëm profesional, arsimtarë, mentorë, komuna, shoqata të sektorëve, organizata civile, etj.) me qëllim të veprimit në bazë të partneriteteve publike-private.
Pritet që planifikimi i përbashkët, realizimi dhe ndjekja e arsimit të mesëm profesional nga partnerët e sektorit privat dhe publik: institucionet kyçe arsimore siç janë Qendra për arsim dhe trajnim profesional, Ministria e Arsimit dhe Shkencës, Odat, shoqatat, kompanitë dhe shkollat për arsim të mesëm profesional do ta rrisë cilësinë e arsimit të mesëm profesional në mënyrë të qëndrueshme dhe sistemore.
Partneritetet e këtilla do të ndërtohen dhe do të jenë të pilotuara me qëllim që shkathtësitë që i përvetësojnë kuadrot që arsimohen përmes arsimit të mesëm profesional t’u përshtaten nevojave reale.
Fokusi do të vihet në modelet e ndryshme të trajnimit praktik në kompani, përmes të cilave nxënësit njoftohen me botën e punës dhe i ushtrojnë dhe përsosin shkathtësitë praktike.
Qëllimi i këtij komponenti është përmirësimi i ofertës së trajnimeve për arsim joformal, ku shfrytëzues parësor do të jenë personat e rinj të papunë, duke përfshirë edhe personat e kategorive të rrezikuara.
Koncepti i nxënies së përjetshme bëhet gjithnjë e më i rëndësishëm. Sfida për të qenë në rrjedhë me nevojat e tregut është padyshim me rëndësi të madhe me synimin për të qenë i suksesshëm në treg. Është e vërtetë se sistemi formal për arsim profesional nuk mund t’u dalë në ndihmë kërkesave të sektorit privat, e prej këtu padyshim paraqitet nevoja për sistem plotësues, të a.q. sistem të arsimit joformal. Nxitja e këtij sistemi është ajo që Е4Е@mk synon ta realizojë në kuadër të këtij komponenti.
Këtë qëllimi projekti do të përpiqet ta realizojë në atë mënyrë që do t’i identifikojë ofruesit ekzistues dhe të ardhshëm potencial të trajnimeve që kanë potencial për inovacione në fushën e arsimit, si dhe kapacitet për të investuar në zhvillimin e trajnimeve të reja me orientim të tregut dhe gjithëpërfshirëse.
Qëllimi i këtij komponenti është forcimi i institucioneve kyçe për krijimin e një kornize më të volitshme për sigurimin e qasjes deri te arsimi dhe trajnimi profesional me orientim të tregut dhe gjithëpërfshirës.
Përmes këtij komponenti, projekti E4E@mk ka për synim që të nxitë dialogun mes vendimmarrësve për arsimin dhe trajnimin profesional dhe t’i mbështesë në ndërtimin e sistemit të arsimit dhe trajnimit profesional, që do të jetë i orientuar drejt nevojave të kompanive. Projekti do të nxisë dhe lehtësojë dialogun mes ministrive, institucioneve nacionale dhe locale me partnered social (odat, lidhjet, organizatat e punëdhënësve, kompanitë, etj.)
Më tutje, projekti do të sigurojë dhe shkëmbejë përvoja dhe të dhëna që do të jenë bazë për përmirësimin e kornizës dhe rregullativës ligjore që kjo të sigurojë cilësi të arsimit dhe trajnimit profesional, shpërndarje efektive të përgjegjësive mes partnerëve publik dhe privat, si dhe sigurim dhe shpërndarje të resurseve plotësuese për arsimin dhe trajnimin profesional.
Gjithashtu, projekti do të sigurojë dhe do të mbështesë shkëmbim të përvojave mes institucioneve në Republikën e Maqedonisë së Veriut dhe institucioneve përkatëse në rajon dhe në Zvicër me qëllim që të forcohet vetëdija për rëndësinë e arsimit dhe trajnimit profesional për zhvillimin e vendit.
Sistemi për monitorim dhe matje të rezultateve është pjesë përbërëse e projektit Arsim për Punësim në Maqedoninë e Veriut. Ky sistem e mbështet ekipin e projektit gjatë planifikimit, dizajnimit, menaxhimit, revidimit dhe vlerësimit të intervenimeve të projektit në përputhje me qasjen për zhvillimin e sistemeve të tregut (MSD) dhe standardet për matjen e rezultateve (DCED).
Si instrument integral nga sistemi i menaxhimit, MPM-ja është me rëndësi esenciale për përgatitjen e Planeve vjetore për punë, menaxhim, nxënie, maksimizim të ndikimeve dhe përgjegjësia para donatorit dhe palëve të prekura relevante.
Gjithëpërfshirja gjinore dhe sociale do të jetë e integruar sistematikisht në menaxhimin e kompletuar të projektit, duke filluar prej analizave të realizuara, implementimit, deri te vlerësimit dhe informimi. Analiza gjithëpërfshirëse lidhur me përfshirjen gjinore dhe sociale që ishte realizuar në vitin 2018 identifikoi nevoja dhe prioritete të përbashkëta dhe të ndryshme të grave, burrave, romëve dhe personave me nevoja të posaçme, që do t’i orientojnë intervenimet e projektit nga ky aspekt. Të gjitha të dhënat e mbledhura përmes aktiviteteve të projektit u ndanë në raport me gjininë, moshën, përkatësinë etnike rome dhe u identifikuan nevoja të posaçme. Barazia gjinore dhe gjithëpërfshirja sociale do të merren parasysh dhe do të promovohen gjatë zgjedhjes së partnerëve dhe ofruesve të shërbimeve, gjithmonë kur kjo do të jetë e mundshme. Më tutje, projekti ka për synim sensibilizimin e palëve të interesuara dhe partnerëve për përfitimet socio-ekonomike nga gjithëpërfshirja gjinore dhe sociale.
Projekti do të vazhdojë të vendosë bashkëpunim me organizata që punojnë në këtë fushë, gjegjësisht organizata që punojnë me gra, romë dhe persona me pengesa që janë të rrezikuar ose të ekspozuar ndaj rrezikut, organizata civile që i mbështesin viktimat e dhunës në familje, nëna të vetme, etj., me qëllim që të ngritë vetëdijen për mundësitë që i ofron arsimi dhe trajnimi formal dhe joformal profesional, t’i trajnojë dhe në këtë mënyrë t’ua lehtësojë rrugën drejt punësimit këtyre grupeve qëllimore.
Dimensionet e lartpërmendura do të kontribuojnë në zhvillimin e strategjisë për gjithëpërfshirje gjinore dhe sociale të projektit që do të përpilohet gjatë vitit 2019, së bashku me partnerët kryesorë dhe faktorët sistemor.
Projekti synon përfaqësimin e arsimit formal dhe joformal të arsimit profesional me qëllim të lidhshmërisë më të madhe me nevojat e tregut dhe punës dhe gjithëpërfshirje më të madhe. Do të merren parasysh nevojat rrjedhëse dhe të ardhshme të të gjitha palëve të interesuara duke përfshirë edhe vendimmarrësit për arsimin dhe trajnimin profesional dhe do të përpilohet strategji e cila do të niset nga vizioni për sigurimin e arsimit efikas dhe relevant formal dhe joformale profesional. Projekti, gjithashtu, do të mbështesë procesin e krijimit të dialogut të mirëfilltë mes institucioneve që janë bartëse të vendimeve dhe punëdhënësve.
