Целта на оваа компонента е подобрување на формалното средно стручно образование преку зајакната соработка и партнерство меѓу јавниот и приватниот сектор, со цел да стане пазарно-ориентирано.
Преку оваа компонента, проектот се стреми да постигне пазарно-ориентирано формално средно стручно образование преку вклучување на приватниот сектор. Имено, проектот E4E@mk ќе ја поддржува соработката помеѓу партнерите од приватниот и јавниот сектор и граѓанското општество (компании, училишта за средно стручно образование, наставници, ментори, општини, секторски здруженија, граѓански организации и сл.) со цел поставување на основи за јавно-приватни партнерства.
Се очекува дека заедничкото планирање, реализација и следење на средното стручно образование од страна на партнерите од приватниот и јавниот сектор: клучните образовни институции како што се Центарот за стручно образование и обука, Министерството за образование и наука, Коморите, здруженијата, компаниите и училиштата за средно стручно образование ќе го зголеми квалитетот на средното стручно образование на одржлив и системски начин.
Ваквите партнерства ќе се градат и ќе бидат пилотирани со цел вештините што ги стекнуваат кадрите што се образуваат преку средното стручно образование да одговараат на реалните потреби.
Фокусот ќе биде ставен на различните модели на практична обука во компанија, преку кои учениците се запознаваат со светот на работата и ги вежбаат и усовршуваат практичните вештини.
Целта на оваа компонента е подобрување на понудата на обуки за неформално образование, каде примарни корисници ќе бидат младите невработени лица, вклучително и лицата од ранливите категории.
Концептот на доживотно учење станува сè поважен. Предизвикот да се биде во тек со пазарните потреби е несомнено од големо значење со цел да се биде успешен на пазарот. Реалност е дека формалниот систем за стручно образование не може да излезе во пресрет на барањата на приватниот сектор а од тука несомнено се јавува потребата од дополнителен систем, т.н. систем на неформално образование. Поттикнувањето на овој систем е она што Е4Е@mk се стреми да го оствари во рамките на оваа компонента.
Оваа цел, проектот ќе настојува да ја оствари така што ќе ги идентификува постојните и идните потенцијални понудувачи на обуки кои имаат потенцијал за иновации во областа на образованието, како и капацитет да инвестираат во развојот на нови пазарно-ориентирани и инклузивни обуки.
Целта на оваа компонента е зајакнување на клучните институции за да се создаде поповолна рамка за обезбедување и пристап до пазарно-ориентирано и инклузивно стручно образование и обука.
Преку оваа компонента, проектот E4E@mk се стреми да го поттикне дијалогот меѓу носителите на одлуки за стручното образование и обука и да ги поддржи во градење на систем на стручно образование и обука кој ќе биде ориентиран кон потребите на компаниите. Проектот ќе го поттикнува и олеснува дијалогот меѓу министерствата, националните и локалните институции со социјалните партнери (коморите, сојузите, организациите на работодавачи, компаниите итн.).
Понатаму, проектот ќе обезбедува и споделува искуства и податоци кои ќе бидат основа за подобрување на законската рамка и регулативата за таа да обезбедува квалитет на стручното образование и обука, ефективна распределба на одговорности помеѓу јавните и приватните партнери, како и обезбедување и распределба на дополнителни ресурси за стручното образование и обука.
Исто така, проектот ќе обезбедува и ќе поддржува размена на искуства меѓу институциите во Република Северна Македонија и соодветни институции во регионот и во Швајцарија со цел да се зајакне свеста за важноста на стручното образование и обука за развојот на земјата.
Системот за мониторинг и мерење на резултатите е составен дел на проектот Образование за вработување во Северна Македонија. Овој систем го поддржува проектниот тимот при планирање, дизајнирање, управување, ревидирање и евалуација на проектните интервенции во согласност со пристапот за развој на пазарни системи (MSD) и ДЦЕД (DCED) стандардите за мерење на резултати.
Како интегрален инструмент од системот за управување, МРМ е од суштинско значење за подготовка на Годишните планови за работа, управување, учење, максимизирање на влијанијата и одговорноста пред донаторот и релевантните засегнати страни.
Родовата и социјалната инклузија ќе биде систематски интегрирана во комплетното управување на проектот, почнувајќи од спроведените/идните анализи, имплементација, до евалуација и известување. Сеопфатната анализа по однос на родовата и социјалната инклузија којашто беше спроведена во 2018 година идентификуваше заеднички и различни потреби и приоритети на жените, мажите, Ромите и лицата со посебни потреби, кои ќе ги насочуваат проектните интервенции од тој аспект. Сите податоци собрани преку проектните активности беа дезагрегирани по однос на пол, возраст, ромска национална припадност и идентификувани посебни потреби. Родовата еднаквост и социјалната инклузија ќе бидат земени предвид и промовирани при изборот на партнери и даватели на услуги, секогаш кога тоа е можно. Понатаму, проектот се стреми кон сензитизација на засегнатите страни и партнерите за социо-економските придобивки од родовата и социјална инклузија.
Проектот ќе продолжи да воспоставува соработка со организации кои работат на ова поле, односно организации кои работат со жени, Роми и лица со попреченост кои се загрозени или изложени на ризик, граѓански организации кои ги поддржуваат жртвите на семејно насилство, самохрани мајки, и други, со цел да ја подигне свеста за можностите кои ги нуди формалното и неформалното стручно образование и обука, да ги обучи и на тој начин да им го олесни патот до вработување на овие целни групи.
Горенаведените димензии ќе придонесат за развој на стратегија за родова и социјална инклузија на проектот којашто ќе биде изготвена во текот на 2019 година, заедно со клучните партнери и системските чинители.
Проектот се стреми кон застапување на формално и неформално стручно образование со цел поголемо поврзување со потребите на пазарот на трудот и поголема инклузивност. Во предвид ќе бидат земени тековните и идните потреби на сите заинтересирани страни вклучувајќи ги и носителите на одлуки за стручното образование и обука и ќе биде изготвена стратегија која ќе поаѓа од визијата за обезбедување на ефикасно и релевантно формално и неформално стручно образование. Проектот, исто така, ќе го подржи процесот на создавање вистински дијалог меѓу институциите кои се носители на одлуки и работодавачите.
